CELEBRAMOS O DÍA DO LIBRO INDO DE EXCURSIÓN!
Despois de dedicar varias das "horas de ler" á lectura dos catro relatos de Contos de fantasmas no museo, os rapaces e rapazas de 1º da ESO complementaron esta lectura coa visita ao Museo Provincial de Lugo, onde realizaron a actividade "Rutas Literarias no Museo" e completaron a mañá visitando a Casa dos Mosaicos.
Despois de dar unha voltiña pola muralla e polo centro histórico da cidade, xantar e gozar de algún tempo libre para xogos e compras, rematamos a xornada cunha interesante visita guiada ao Centro de Interpretación da Muralla.
Aquí vos deixamos algunhas imaxes, que tamén podedes ver se visitades o Instagram do centro, premendo aquí.
Ningún comentario:
Publicar un comentario