UN ROTEIRO LITERARIO E OUTRA COUSIÑA

 O pasado sábado, día 21, varios membros do equipo da Biblioteca e do Claustro do noso centro participamos nun roteiro literario na vila de Celanova, en torno á figura do poeta Celso Emilio Ferreiro, e tamén doutros grandes autores como Curros Enríquez.

Acompañounos e guiounos o escritor e crítico literario Ramón Nicolás.

Visitamos varios lugares ligados á súa vida e obra, por exemplo a Casa dos Poetas, sede da Fundación Curros, e tamén lugares cercanos como Vilanova das Infantas ou Castromao.

Por certo, na Casa dos Poetas vimos isto:

É a orla de fin de carreira de Castelao e os seus compañeiros da facultade de Medicina.  E mirando, mirando, atopamos persoas de lugares moi próximos a nós. Se tedes curiosidade, ampliade a imaxe e buscade, a ver a quen atopades.

A primeira persoa que pase pola biblioteca e nos diga o nome e lugar de nacemento de dúas persoas de concellos da Terra de Soneira, terá un regaliño

ROTEIRO LITERARIO-DELGADO GURRIARÁN

 O pasado sábado, varios membros e ex-membros do Club de lectura, do equipo de Biblioteca e do Claustro do noso IES celebramos o Día do Libro asistindo a un roteiro literario polos espazos vitais e literarios do autor homenaxeado o Dia das Letras Galegas deste ano, Florencio Delgado Gurriarán.

Estivemos acompañados e guiados por Ricardo Gurriarán, sobriño neto do autor, que nos levou polos lugares da súa infancia na aldea de Córgomo, polos camiños que percorría a diario para ir ao Barco a estudar, e por varios lugares importantes na vida do autor na propia vila de O Barco de Valdeorras. Tamén nos guiou e nos acompañou na lectura de algúns dos seus poemas.

Aínda que é unha actividade organizada polo CAFI, se non hai problema de prazas ou doutro tipo podemos levar algún acompañante como "oínte", o cal nos permitiu neste caso, e nalgún outro, que puidesen asistir algunhas persoas adultas da veciñanza, amantes da lectura e desexosas de saber máis sobre este poeta. Esperamos qeu isto contribúa a que para o próximo curso estas veciñas se animen a achegarse ao centro e a  participar noutras actividades, como o Club de lectura.